EEGABk bere azterlan berria aurkeztu du Sailburuaren aurrean.

ostirala, 04 azaroak 2011

EEGABk Hezkuntza Sistema EAEko Jarduera Sozioekonomikoaren beharrizanetara egokitzeari eta Bizialdi osoko Ikaskuntzari buruzko Legearen aurreproiektuarekin dituen konexioei buruzko azterlana aurkeztu du Sailburuaren aurrean.

EEGABek hezkuntza sistema jarduera sozioekonomikoaren beharrizanei egokitzeari eta bizialdi osoko ikaskuntzari buruzko Legearen aurreproiektuarekin dituen konexioei buruzko Ekimen Propioko Azterlana aurkeztu du Hezkuntza Sailburuaren aurrean; uste du arau hori beharrezkoa dela.

Bileran zehar Ekonomi eta Gizarte Arazoetarako Batzordeko buruak, Juan María Otaeguik, datorren azaroaren 14an aurkeztuko den azterlaneko alderdirik adierazgarrienak aurkeztu dizkio Isabel Celáari.

Ekonomi eta Gizarte Arazoetarako Batzordeko buruak, Juan María Otaeguik, bilera izan du gaur goizean Eusko Jaurlaritzako Hezkuntza, Unibertsitate eta Ikerketa Saileko sailburua den Isabel Celáarekin; bilera horren xedea sailburuari hezkuntza sistema jarduera sozioekonomikoaren beharrizanei egokitzeari buruzko Ekimen Propioko Azterlana aurkeztea izan da. EEGABeko eskuordetza osotuz bertan egon dira Leire Ozerin, Azterlan eta Proiektuetako arduraduna; Felicísimo Ayastuy, Garapen Ekonomikoko Batzordeko burua; Goyo Martín, CCOO sindikatuko eskuordea; Carlos Pereda, Confebaskekoa; eta Pedro Martínez de Alegría, Talde Mistokoa.

Azterlanaren helburua EAEko lan merkatuak gaitasunen eskariaren eta eskaeraren artean egiten duen doikuntza-maila aztertzea da; bilera Iruzkin eta Oharren eta kontsultak egiteko organo honen duela gutxiko irizpenaren xedea izan den Bizialdi Osoko Ikaskuntzari buruzko Legearen Aurreproiektuan jaso diren proposamenen Dekalogoaren artean dauden konexioak aurkezteko balio izan du.

Bileran zehar Juan María Otaeguik sailburuari adierazi dio Euskadiko Ekonomi eta Gizarte Arazoetarako Batzordeak bizitza osoan kalitatezko hezkuntza eta prestakuntza bermatzeko beharrizanari buruzko hausnarketa egin duela, hau da, gizakiaren askotariko gaitasunen egokitzapena eta garapena sustatzeko balioko duena eta, aldi berean, aldaketa sozial, ekonomiko, sektorial eta zientifiko-teknologikoen ondorioz sortzen diren beharrizan berriei erantzuna ematea bermatuko duena.

Hausnarketa horren ondorioz Batzordearen ustez Legea beharrezkoa da eta, bere diseinuaren atzean egon dagoen filosofiarekin bat egitea ez ezik, baloratu egin du bere dekalogoaren barruan sartu dituen hobekuntzetako batzuk Lege Aurreproiektuan agertzearena, inguruabar horrek baieztatu egiten duelako Jaurlaritzak Hezkuntza eta Prestakuntza Sistemari dagokionez aurrera egiteko duen interesa.