14/25 IRIZPENA ABENDUAREN 19KOA, NORBERAREN BIZITZA, FAMILIA ETA LANA BATERAGARRI EGITEKO LAGUNTZAK ARAUTZEN DITUEN DEKRETU-PROIEKTUARI BURUZKOA

2025eko abenduaren 4an Euskadiko Ekonomia eta Gizarte Arazoetarako Batzordean Ongizate, Gazteria eta Erronka Demografikoaren Sailaren idazkia jaso genuen. Horren bitartez, “Norberaren bizitza, familia eta lana bateragarri egiteko laguntzak arautzen dituen dekretu-proiektuari” buruzko txostena eskatu zuten, Ekonomia eta Gizarte Arazoetarako Batzordearen maiatzaren 17ko 8/2012 Legearen 3.1 artikuluan ezarritakoaren arabera.

Kontsultagai dugun arauaren xedea da, 1. artikuluan azaltzen denez, Eusko Jaurlaritzak, haurren, nerabeen eta familien arloan eskumena duen sailaren bitartez, norberaren bizitza, familia eta lana bateragarri egiteko politikaren esparruan emango dituen laguntzak arautzea. Jasotako hiru kategoriak honako hauek dira: Hiru urtetik beherako adingabeak zaintzeko lan-eszedentzian dauden edo hamabi urtetik beherako adingabeak zaintzeko lanaldi-murrizketa duten langileentzako laguntzak; mendetasun-egoeran edo osasun-egoera oso larrian dauden senitartekoak zaintzeko lan-eszedentzian dauden edo lanaldi-murrizketa duten langileentzako laguntzak; eta 14 urtetik beherako adingabeak zaintzeko pertsonak kontratatzeagatik Gizarte Segurantzako kotizazioak ordaintzeko laguntzak.

Berehala bidali zitzaien dokumentuaren kopia Batzordeko Oso Bilkurako kide guztiei, proposamenak eta iritziak emateko eta horiek guztiak lan-batzordean landu daitezen, Euskadiko Ekonomia eta Gizarte Arazoetarako Batzordearen funtzionamenduari buruzko araudiak xedatutakoaren arabera.

2025eko abenduaren 16an Gizarte Garapenerako Batzordea bildu zen eta, hartutako erabakietatik abiatuta, irizpen-proiektu hau egin zen, Batzordearen Osoko Bilkuran berresteko. Han aho batez onartu zuen.

(Ikus 14/25 Irizpen osoa)