5/25 IRIZPENA UZTAILAREN 21EKOA, EUSKAL AUTONOMIA ERKIDEGOKO HONDAKINEN BALORIZAZIO ENERGETIKOTIK ERATORRITAKO ZEPAK BALORIZATZEKO JARDUEREI APLIKATU BEHARREKO ARAUBIDE JURIDIKOA EZARTZEN BAITA, ONDOREN BIGARREN MAILAKO AGREGAKIN GISA ERABILTZEKO ARAUTZEN DITUEN DEKRETUAREN PROIEKTUARI BURUZKOA

2025eko uztailaren 1ean Euskadiko Ekonomia eta Gizarte Arazoetarako Batzordean Industria, Trantsizio Energetiko eta Jasangarritasun Sailaren idazkia jaso zuen, Euskal Autonomia Erkidegoko hondakinen balorizazio energetikotik eratorritako zepak balorizatzeko jarduerei aplikatu beharreko araubide juridikoa ezartzen baita, ondoren bigarren mailako agregakin gisa erabiltzeko arautzen dituen dekretuaren proiektuari buruzko txostena eskatuz, Ekonomia eta Gizarte Arazoetarako Batzordearen maiatzaren 17ko 8/2012 Legearen 3.1. artikuluan ezarritakoarekin bat etorriz.

Hizpide dugun arauaren xedea da, 1. artikuluaren arabera, irizpideak ezartzea Euskal Autonomia Erkidegoko hondakinen balorizazio energetikotik eratorritako zepek hondakin izateari noiz uzten dioten zehazteko, gero bigarren mailako agregakin gisa erabil daitezen Hondakinak eta Lurzoru Kutsatuak arautu eta Ekonomia Zirkularra bultzatzeko apirilaren 8ko 7/2022 Legeak ezarritakoari jarraituz.

Jasotako dokumentuaren kopia berehala bidali zitzaien Kontseiluaren Osoko Bilkurako kide guztiei, proposamenak eta iritziak eman zitzaten eta horiek, aldi berean, zegokion Lan Batzordeari helaraz ziezazkieten, Euskadiko Ekonomia eta Gizarte Arazoetarako Batzordearen Funtzionamendu Araubidean ezarritakoarekin bat etorriz.

2025eko uztailaren 14an, Ekonomia Garapenerako Batzordea bildu zen, eta, hartutako erabakietan oinarrituta, irizpen-proiektu hau egin zen, Batzordearen Osoko Bilkuran aztertzeko. Han gehiengoz onartu zuen.

(Ikus 5/25 Irizpen osoa)