Komunikazioa > Azken berriak
Euskadiko EGABren azken berriak
larunbata, 03 uztailak 2010
  • Behatokiaren xede nagusia EAEko familien errealitatea, egoera eta problematika, Familiak Laguntzeko Legea aplikatuz garatutako politiken inpaktua eta inguruko herrietan familiak babestu eta laguntzeko dauden sistemak etengabe aztertzea da.
  • Ekonomia eta Gizarte Arazoetarako Batzordearen iritziz, araudiak familiako eredu berri baten kontsolidazioa sustatu eta bultzatzea ahalbidetuko du. Eta honetan eskakizun lagaezintzat hartzen dira bere kide guztien arteko begirunea eta autonomia eta bikoteko bi kideen berdintasuna, pertsonal eta profesionalki garatzeko aukera berberak dituztenak.
Euskadiko Ekonomia eta Gizarte Arazoetarako Batzordeak aldeko irizpena eman du Lan eta Gizarte Gaietarako Sailak prestatutako Familien Euskal Behatokia sortu eta erregulatzeko Dekretu Proiektuaren gainean.  Familiaren Euskadiko Behatokiaren xede nagusia EAEko familien errealitatea, egoera eta problematika, Familiak Laguntzeko Legea aplikatuz garatutako politiken inpaktua eta inguruko herrietan familiak babestu eta laguntzeko dauden sistemak etengabe aztertzea da.
Euskadiko EGABk bereziki baloratu du araudi berriak eredu familiar berri baten kontsolidazioa sustatu eta ahalbidetzea ahalbidetuko duela. Honetaneskakizun lagaezintzat hartzen dira bere kide guztien arteko begirunea eta autonomia eta bikoteko bi kideen berdintasuna, pertsonal eta profesionalki garatzeko aukera berberak dituztenak. Hala eta guztiz ere, Ekonomia eta Gizarte Arazoetarako Batzordeak emandako irizpenak ohartarazten du aldaketak egitea beharrezkoa dela, hasteko etxeko zereginen berdintasunezko banaketarekin. Horretarako, funtsezkoa da “familiako erakundean eragiten duten eraldaketen ezagutzan sakontzea” era, testuinguru honetan –EGABren iritziz- “Familien Behatokia funtsezko pieza da”.
“Berau abiarazteak EAEko familien errealitatea, egoera eta arazoak, garatutako politiken inpaktua eta beste herrietan familiak babestu eta laguntzeko dauden sistemak etengabe aztertzeko tresna emango digu, gure Erkidegoan erakunde hau babesten laguntzeko xedez”, azaltzen du Irizpenak.
 
Azterketa eta ikerketa
Zentzu honetan, Familien Euskal Behatokiak  azterketa eta ikerketarako ildoa bultzatu eta sustatuko du familien errealitate aldakorraren eta familiek bere egiten dituzten eginkizun anitzen ezagutza bermatu ahal izateko, zaurkortasun bereziko egoeretan dauden familiei dedikazio berezia eskainita. Erakundeak etxeko indarkeriako egoeren errealitatea eta bere bilakaera ezagutzea ahalbidetuko du; baita autonomian, estatuan, Europan eta nazioartean arlo honetako literatura zientifikoa biltzen duen dokumentu-funtsa eratu eta etengabe eguneratzea ere, eta araudien dokumentu-funtsa ere bai. Gainera, Familien Euskal Behatokiak herri administrazioei ere aholkua eta informazioa emango dizkie.